مستشفى دار الشفا

السلام عليكم ورحمة الله وبركاته

ازيكم عاملين ايه يارب تكونو كلكو بخير

اولا كل سنة وانتو طيبين جميعا وعيد اضحى مبارك عليكم جميعا

ثانيا
ياجماعة نصيحة اخوية مني لو لاقدر الله اي حد فيكو تعب او اي حد من عيلتكم احذرو مستشفى دار الشفا
مستشفى بجد غير مهتمة تماما
الممرضات فيها غير مهتميين بالمريض خالص
الدكاترة مش عارفين يشخصو الحالة وهما اصلا اخصائيين
انا مش بقول الكلام ده من فراغ ده انا مجرباها وشخصيا

من اسبوع تعبت جامد جدا لدرجت اني اغم عليا
المهم مامتي جت هيا وجارتي ورحنا المستوصف قالو لازم مستشفى منقدرش نعملها اي حاجة ولا نديها مسكنات عشان ممكن يكون في تدخل جراحي
ماما اتصلت ببابا وجه ورحنا مستشفى دار الشفا دخلنا على قسم الطوارئ على طول ومصممين اني مدخل على الاخصائي الا لما نقطع كشف ادي اول حاجة يعني لو كانت حاجة خطيرة جدا كنت رحت فيها

المهم والدي قطع الكشف وجينا داخليين قالولنا لا بالدور التزمو بالترتيب نقولهم احنا حالة طواري قالو التزمو بالترتيب والدور ادي تاني حاجة
جه دورنا ودخلنا الدكتور قال لازم اشاعة (الي هيا السونار) طبعا مرضيوش يدخلوني غرفة الاشاعة الا بعد دفع الفلوس ادي تالت حاجة دفعنا الفلوس ودخلنا اخصائي الاشاعة مش قادر يحدد التعب او الالم من ايه بالضبط ادي رابع حاجة (عدم الخبرة) والمفروض انو شايف كل حاجة قدامو على الشاشة ومش قادر يحدد رجعنا عند الدكتور وبرضو مش عارف يحدد في ايه قال احنا هندخلها العمليات ادي خامس حاجة كان هيدخلني غرفة العمليات من غير ما يعرف في ايه اصلا رحنا عشان يسحبولي دم الممرضات شايفيني قدامهم وسايبيني وعمالين يشتغلو ادي سادس حاجة (الاهمال) وبعدين والدي قالهم متشوفو في ايه وتسحبو الدم بعدها بربع ساعة قامت وحدة عشان تسحبلي الدم وسحبتهولي وخلاص رايحة على غرفة العمليات ولبست اللبس والدكتور جهز وبعدين نزل تاني ويقول لمامتي احنا نحطها احسن تحت الملاحظة لحد بكرة ولو استلزم الامر نعمل عملية ادي سابع حاجة (يعني لو كنت فعلا محتاجة عملية كنت رحت فيها ومت) جت ممرضة علقتلي جلكوز وسابتو لحد ما خلص راحت مامتي قفلتو وراحت تناديها عشان تيجي تشيلو مجتش وجت بعدها بنص ساعة(يعني لو كنت انا نايمة ولا لوحدي كان في خطورة لان الهوا الي في الازازة كان هيدخل في الشرايين ودي خطيرة) وفضلت اليوم كلو نايمة في المستشفى مفيش اهتمام مفيش حد جه عشان يشوف انا عاملة ايه وكدة
الدكتور جه مرتين بس ومشي
ده وغيرو وغيرو في الصوت العالي في المستشفى من الممرضات وعدم اهتمامهم بالوقت عشان الابر و..و..و..و

بجد يا جماعة كانو اصعب يومين في حياتي الي قضيتهم في المستشفى دول وبعدها حلفت اني لو بمووت مش هروح دار الشفا تاني


بجد روحو اي مستشفى الا دار الشفا

سلامتك يا قمر
فعلا مستشفى دار الشفا سيئه جدا
مره اخويا كانت ايدو مكسوره قالو هندخلو غرفة العمليات وخلونا ندفع الفلوس عشان دكتور التخدير
مش عرفه ايه ده
تخدير عشان ايد مكسوره
بابا وداه مستوصف ردولو ايدو وجبسهالو وانتها الموضوع
وكمان ياريت ايه كلها كان صباعو الكبير
ربنا يشفيهم والله
ومرسي على التحذير يا حياة

الله يسلمك
لا العفو على ايه
انا بس محبتش ان حد يقع في نفس المشكلة الي انا وقعت فيها هناك